Nikkel

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

Nikkel.

Nikkel of niekkel is e sjemisch element mit 't symbool Ni en 't atoeamnómmer 28. 't Is e zilverwit toet gries euvergangsmetaal.

Toepassinge

't Grótstdeil, zoeaget 70%, van 't nikkel det weltwied wuuertj geproduceerdj wuuertj gebroek bieje perduksje van rósvas staol. 't Wuuertj wiejer gebroek veur alderlei legeringe, worónger hastelloy, incoloy en inconel. Anger toepassinge zeen:

• Oplaajbaar batterieje (nikkel-cadmium of nikkel-metaalhydried);
• Muntjgeldj (euromuntje, allein €1 en €2);
• Es katalysator (zoeageneump "Raneynikkel") veure verhelling enne óntzwaeveling van aerdaolje.

Eigesjappe

Nikkel is ferromagnetisch. De aerdkern bevatj naeven iezer ouch 'n aanzeenlike wieväölheid aan nikkel.

Versjiening

De wichtigste brónne van nikkel zeen de minerale limoniet, garniriet en pentlandiet. Det litste kump allein veur in magma det in vólkane nao de oppervlakdje kump.

Zoeaget 30% van alle weltwied gewónne nikkel kump oet brónnen in Ontario, Canada. Wiejer guuef 't brónnen in Röslandj (35%; róndj Norilsk), Australië, Cuba en Indonesië.