Lille
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Lille, in Vlaondere gemeinelek Rijsel geneump, is 'n groete stad in 't noorde vaan Fraankriek, in de regio Nord-Pas de Calais, 't departemint Nord en 't arrondissemint Lille. Bij de volkstèlling vaan 2013 had de stad 231.491 inwoeners; mèt de veurstei debij (Roubaix, Toerkonje, Villeneuve-d'Ascq) is 't zelfs de veerde stad vaan Fraankriek. Me kin nao gelaank me rekent de agglomeratie vaan Lille tot in 't Belsj laote doorloupe. De stad heet 'n groete beteikenis es industrieel, meh ouch es cultureel centrum.
Lille daank zoewel ziene Franse en ziene Nederlandse naom aon 'n eiland in de Deule (Aajdfrans: L'Isle, Middeliews Vlaoms: Ter Isel > Rysel). de stad weurt in d'n èlfden iew veur 't iers geneump. Mesjiens daank ze häör bestoon aon graof Boudewijn V vaan Vlaondere, dee ziech hei vestegde. In deen tied laog de taolgrens oongeveer hei; de stad zal in 't begin twietaoleg zien gewees. Later evels weurt hei veural Frans gesproke, allewel tot de stad wel bij 't graofsjap Vlaondere huurt; 't is feitelek de hoofplaots vaan Waals-Vlaondere. Es zoedaoneg góng 't later euver in Bourgondische, Habsbörgse en Spaonse han. Es Lowie XIV vaan Fraankriek perbeert Vlaondere in te lieve, lök 't häöm allein 't zuie te pakke, wat häöm in 't Verdraag vaan Aoke weurt touwgekind. Sindsdeen is ouch Lille Frans bezit. In de negentienden iew kump hei de textielindustrie op. De prizzedent en groondlègker vaan 't allewijl, nao-oorlogs Fraankriek - Charles de Gaulle - waor hei gebore in 1890.
In Lille vint me e groet aontal proonkvol gebouwe, boe-oonder väöl Vlaamse gotiek en renaissance, meh veural ouch väöl negentienden-iewse gebouwe. Lille heet ouch häör stömpel gedrök op aander belaangrieke oontwikkelinge in de renaissance, wie de renaissancemeziek. Väöl belaangrieke Vlaomse kompeniste koume hei vaandan of höbbe hei gehojs, wie de zèstienden iewer Nicolas Gombert. Wijer kint de stad 'n aontal musea.
Dit artikel is e sjtumpke. De kans Wikipedia helpe door 't aan te völle