Reliek
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
'n Reliek (van 't Latiense reliquiae) of relikwie ies ('n deil van) 't lief van, of 'n veurwerp dat verband hèlt mèt 'ne heilige. Echte relieke zint, meistal, 't lichaam van 'ne heilige of deile devan. Representatieve of kóntakrelieke zint veurwerpe, die verband houwe mèt 'ne heilige. Zoa-es deukskes die door kóntak met 't graaf van 'ne heilige ouch es gezegend besjouwd were. Relieke en kóntakrelieke woorte en were bekeke es plaatsvervanging veur 'ne heilige.
Historie
bewirkVanaaf de veerde ièw woort 't gebeinte van heilige dèks ónder d'n altaor biegezat. Vanaaf de twelfde ièw, woort in eder altaarblaad 'n klein eupening gemaak, gevöld mèt 'n relikwie. Dat waor 't "graaf".
Reliekhouwer
bewirk'n Reliek weurt bewaard in 'ne reliekhouwer. Dat kènt 'n kieske, 'n köfferke of relieksjrien zin, van kosbaar materiaal en mèt meistal 'n sjoan versering d'r op. Sóms kreeg zoane houwer de vörm van de betreffende reliek. Veurbeelde zin 'ne erm of e boorsjbeeld. Zoa were ze dan ouch ten toangesjtèld. De reliek van 't heilige kruus haet dèks 'n kruusvörm.