Regierungsbezirk Detmold
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
't Regierungsbezirk Detmold of 't Regieringsdistrik Detmold is ein vaan de vief Noordrienwesfaalse Regierungsbezirke. Zie besleit 't noordooste vaan Noordrien-Wesfale. Häör hoofstad is Detmold. 't Distrik heet 'n oppervlaak vaan 6.525,29 km² en volgens de census vaan 31 december 2018 2.055.310 inwoeners. Heimèt heet 't 'n deechte vaan 315 inwoeners de veerkante kilometer. Veur 1945 waor 't distrik Detmold deil vaan de provincie Wesfale. 't Oostelek deil vaan 't allewijl regieringsdistrik vörmde evels zien eige distrik, verneump nao Minden en Lippe (Regierungsbezirk Minden-Lippe). Alle kring vaan Noordrien-Wesfale valle historisch of oonder Wesfale, of oonder 't aon Nederlands Limbörg grenzende Rienland. De groete oetzundering vaan de boondsstaot is de Kreis Lippe dee in dit regieringsdistrik ligk: deze krink vörmde vaan aajdsaof zien eige provincie. Alle kring in Detmold, op Lippe nao, zien dus historisch Wesfaolse gebiede.
Detmold is de hoofstad vaan 't regierungbezirk. De hoofstad is evel polletiek betwis. Detmold is bij lange nao neet de belaangriekste stad en is neet ins de hoofplaots vaan häören eige krink. Wel ligk zie centraol in 't distrik. De groetste stad is Bielefeld. 't Gief 69 gemeintes in 't distrik, in zès kring (Kreise) en ein krinkloeze stad (Bielefeld).
Aongrenzende distrikte
bewirk't Regierungsbezirk Detmold grens aon de volgende distrikte:
- Regierungsbezirk Münster, Noordrien-Wesfale - noordweste
- Regierungsbezirk Arnsberg, Noordrien-Wesfale - zuidweste
- Regierungsbezirk Kassel, Hesse - zuie
- Regio Hildesheim, Nedersakse - noorde en ooste
- Regio Oldenburg, Nedersakse - noordweste