Kreis Lippe
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Kreis Lippe is 'ne krink (Kreis) in 't ooste vaan Noordrien-Wesfale (Duutsland). Lippe is eigelek d'n innegse krink in Noordrien-Wesfale dee me in 't Rienland noch Wesfale kin plaotse. Aongezeen Lippe 'nen apaarten dwergstaot waor veur de Duutse eintweurdening, goof 't altied 'n apaarte cultuur in Lippe die ziech mie riechde op de Oosfaalse cultuur. 't Distrik ligk in 't Regierungsbezirk Detmold, de hoofplaots (de stad mèt de Verwaltungssitz) is Detmold. Kreis Lippe is daomèt ouch eine vaan de wienege kring in Noordrien-Wesfale dee neet verneump is nao de krinkhoofplaots of überhaup nao 'n stad in de betröffende krink.
Behurende bis eine vaan de 31 kring in Noordrien-Wesfale (de 23 stei zoonder krink weure neet mètgetèld), heet 't 'n oppervlak vaan 1.246,21 km², 'n inwoenertal vaan 348.391 en 'n bevolkingsdeechte vaan 280 de veerkante km (volgens de census op 31 dec 2018).
Edere Noordriens-Wesfaalse krink weurt geriegierd door 'ne landraod (Landrat) in de hoofplaots. In Lippe weurt 'n Nedersaksisch dialek gesproke dat ziech nimmie zoe erg verstaonbaar maak in Oos-Nederland, hei beginne daan ouch de Oosfaalse taolversjijnsele op te komme die in de Nedersaksische dialekte vaan de oosteleke Nedersakse, Noord-Hesse en Noord-Thüringe gesproke weure.