Pierre-Simon Laplace
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Pierre-Simon Laplace (Beaumont-en-Auge, 23 miert 1749 – Paries, 5 miert 1827) waor ‘ne Franse mathematieker en astronoom, vaan wee 't werk vaan groete beteikenis waor veur de ontwikkeling vaan de mathematische astronomie en statistiek. Heer vatde 't werk vaan zien veurgengers same en breide 't oet in zien viefdeilege Mécanique Céleste (Hemelmechanica) (1799-1825). Dit revolutionair werk verving de mie op geometrie gebaseerde studie vaan klassieke mechanica door ‘n mie analytische mathematische basis, boedoor ‘n breier scala aon probleme kós weure bestudeerd. In de statistiek heet Laplace ‘n belangrieke bijdrage gelieverd aon de zoegenaomde Bayesiaonse interpretatie vaan de kanstheorie.