Penitentiaire Inrichting Ter Peel

Dit artikel is gesjreve in 't Sjènnes. Ómdat 't plaatsgebónge is, maogs doe 't ómzètte nao 't Zaerems, es te dit dialek sjpriks.

---

Penitentiaire Inrichting Ter Peel in De Pieël (dèrp) (gemeinte Zaerem) is ein van de drie inrichtinge in Nederland (naeve Breda en Zwolle) wao vrouwluuj waere gedetineerd. 't Complex is de graotste vrouwegevangenis van Nederland, en kint maximaal 250 vrouwelijke gedetineerden herberge. De inrichting kènt versjillende regimes, te weite ein hoes van bewaring (hvb), ein gesjloate gevangenis, ein beperk en ein zaer beperk beveiligde inrichting ([Z]BBI) en ein sjpeciaal aafdeiling woo gedetineerde mooders mèt hun ganse jong kènger kinne verblieve (MMK).

De ingangk van Penitentiaire Inrichting Ter Peel mèt zichbaar de nuujboew van het Hoes van Bewaaring en Gevangenis

Gans vreuger waor 't complex ein klaoster dat nao ein fosche verboewing tot penitentiaire inrichting woord getransformeerd. Noe is in wat vreuger 't klaoster waor, de Zeer Beperkt Beveiligde Inrichting ongergebrach. Auch de parochiekirk van De Pieël sjteit op 't terrein van de inrichting. In 1998 höbbe ze op 't terrein ein houwte geboew neergezat woo nuuj gevange vrouwluuj eavekes motte verblieve veurdat ze euvergeplaatsj waere nao 't hoes vaan bewaaring of gevangenis. Ongertusche deit 't geboew auch deens es flexibel hoesvesting es biejveurbeeld in Breda of Zwolle gein plaatsj is. Daorom wurt dit geboew dan auch aangeduid es "Flexcap". 't Huidige hoofgeboew va de gevangenis en 't Hoes van Bewaaring is in 2004 in gebroek genomme.

De Penitentiaire Inrichting Ter Peel maak deil oet van 't cluster Zuid-Oost wao auch de inrichtingen Maashegge in Overloon en Remunj deil van oetmake. De inrichting wördt geëxploiteerd door de Deens Justitiële Inrichtingen.

Trivia

De EO haet van 3 september t/m 15 oktober 2004 een zösdeilige televisieserie uitgezonje euver 't wel en wee in Penitentiaire Inrichting Ter Peel.