Paul Latour
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Paul Latour (Batavia, 1946 - Mestreech, 26 juni 2001) waor 'ne beeldhouwer. Hae greujde op in Zittert. Latour sjtudeerde aan de Sjtadsacademie en de Jan van Eyck Academie in Mestreech.
Neve 't creëre van maatsjappie-kritische beelde in sjtein, mèt klei, in bróns, draod en textiel heel Latour ziech ouch bezig mèt taal en dialek. Op de LP Aud Nuets (1979), die hae maakde mèt zjwaoger en troubadour Bert Diederen, kump diet tot uting in zien tekste in 'n soort Maaslands (soort sjtandaard dialek). De tekste zint bewèrkinge van verhaole en gediechte van Pierre Kemp. Latour sjtèlde dat 't Maasland (in Limburg van Tiene tot Solinge), sjuus wie ander bedreigde taalgroepe wie 't Fries en 't Baskisch, ein eige sjtandaardtaal nuèdig haet es waardige opvolger van oetsjtervende dialekte. De sjtiechting AGL (Algemein gesjreve Limburgs) ies dezelfde meining toegedoon.