Parnas
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
D'r Parnas (Aajdgrieks: Παρνασσός, Parnassos, Grieks: Parnassós Óros) zeunt ruig en oonherbergzaam berg in 't zuide van Phocis (Griekeland) van maximaal 2457 meter hoeëg. De twieë belangriekste, dèk besjniejde, toppe zeunt d'r Tithorea en d'r Lycorea. An d'r voot d'r van liekt Delphi. D'r Parnas beveend zich in de periferie Middel-Griekeland.
De berg zeunt gewiejd an Apollon en de hemèt van de muzen. In de Corycaeïsche Grot óp d'r zuidhelling voonde de Bacchische plechtighede plaatsj. Oet 'n kloof geneumd de Phaedriadae oontsjpróng de brón Castalia die dichters inspireerde (zoewie zoeväöl brónne in de aodheed). Ten westen hievan bevoond zich de Pythia van 't Orakel van Delphi.
Tiedens d'r zondvloed blaef allèng d'r top van de berg baove water. Deucalion kieëm d'r mèt z'n sjip óp terech. Apollon verwondde op d'r Parnas de sjlang Python.
D'r Parnas is riek an bauxiet en in de buurt beveende zich allewiel aluminiumfabrieke. D'r berg is e populair skigebied. De wiek Montparnasse in Paries en de Franse dichtsjoeël Parnassiens zeunt nao d'r Parnas verneumd.
