Raekem

Dit artikel is in versjillende Limburgse dialekte gesjreve. Ómdat 't plaotsgebónje is maogs doe 't ómzètte nao 't Laonekes, as te dit dialek sjpriks.

---

Raekem (Nederlandse naom: Rekem) is 'n dörp (vanaods sjtedje) in de gemèngde Laoneke in Belsj Limburg. 't Graafsjap Rekem of Reckheim makde deel oet van 't Riek va Karel de Groete. In 2008 is d'r historische kern van 't dörp, Aod-Raekem, oetgerope tut 't fiengste dörp va Vlaandere. Via L1-radio mochte ooch Nederlands-Limburgers mitsjtumme.

Ucoverpoort in Oud Rekem

---

De volgende sectie van dit artikel is gesjreve in 't Norbiks.

---

Bezeenswaerdig

Kesjtièl van Oud Rekem

---

De volgende sectie van dit artikel is gesjreve in 't Valkebergs.

---

• Ein van de 5 euvergebleve sjtadspoorte, de Ucoverpoort oet 1630, gelege aan de weeg nao Ukeve of Uikhoven. Hie liek ouch de plek en ‘ne café mèt de naam "Oude God".
• Kesjtièl d´ Aspremont-Lynden-Reckheim, geboewd in Maaslandse renaissance in 1595 op de plaats van ouwer börchte oet de 10e en 14e ièw, woavan nog reste te zeen zin in de kelsdersj. In 't kesjtièl woonde de grave d'Aspremont-Lynden-Reckheim van ´t graafsjap Rekem. In de Franse tied waor 't 'n miliair hospitaal. Daonao achtereinvolges: 'n gesjtiech veur bedelaere (1809-1891), 'n verbeteringsgesjtiech veur jónges, 'n toevlöchshoes, en 'n Riekspsychiatrische inriechting (1921-1980). 't Geboew haet de sjtatus van "besjermp monument".
• 't "Poortgeboew" van 't kesjtièl ies geboewd in de tied dat 'r 'n Riekspsychiatrische inriechting in 't kesjtièl gevestig waor.
• De barokke kèrk oet 1704 waor tot 1956 parochiekèrk van Rekem, meh ies noe ’n museum- en cultuurkèrk, woa exposities en oetveuringe were gehouwe.
• 'n Kloasterkèrk van de Minderbroedersj.
• Op ’t plein, de Groenplaats, sjteit ‘ne perroen mèt ’t waope van de grafelike familie d’Aspremont-Lynden dat vasgehouwe weurt door de lièw van Rekem.
• Hotel de Keizer, oet de 18e ièw, ies noe museumappetièk.
• Good bewaarde hoezer oet de 18e en 19e ièw in Maaslandse sjtiel o.a. ’t hoes de Hoeck aan de Engelensjtraot.

Historie

---

De volgende sectie van dit artikel is gesjreve in 't Mestreechs.

---

Raekem, al in 843 weurt 't iers geneump, waor vaanajds 't centrum vaan e feodaol voorstedóm in 't Heileg Roems Riek. Iers waor 't 'n hierlekheid, later 'n baronie , sinds 1623 stoont 't bekind es Vrij Rieksgraofsjap Raekem (direk vallend oonder de keizer en daomèt de facto oonaofhenkelek). 't Stäötsje woort deil vaan de Wesfaalse Kreits. 't Stäötsje umvatde neve Raekem zelf ouch Boorse, Kote en Uukeve. In 1795 woort 't door de Franse oontboonde; de graove vaan Raekem höbbe daonao vaan 1803 tot 1806 de abdij vaan Baindt (allewijl Baden-Württemberg) in lien gekrege.

Nao de Fransen tied woort Raekem 'n zelfstendege gemeinte, die vaanaof 1830 in 't Belsj laog. In 1977 woort Raekem bij Laoneke geveug.

Gebaore

Eric Gerets 18 mei 1954, voetballer en trainer.

Referentie

Dit artikel is gebaseerd op de Nederlandstaolege Wikipedia-artikele nl:Rekem, nl:Oud-Rekem en nl:Rijksgraafschap Rekem, zoewie op 't lemma Rekem in de zevenden drök vaan de Winkler Prins Encyclopedie.

Extern linke

• Plat Rekems