Orgaan
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
'n Orgaan is binnen 'n organisme e gehieël aan weefsele mit ein of mieëder functies die det organisme dene. Zoea is 'n hoedmuundje (of stoma) 'n orgaan det de ventilaasje regeltj bie plantje. Döks euve stèlsele van inkel organe samen ein bestumdje functie oet; zoea verzörgen 't hert enne bloodvater same de functie vanne bloodsómloup.
't Grótste miensjelik orgaan is de hoed. Dees bedèk 't ganse lief en haet versjillige functie: mit naam 't besjurme van 't miensjelik lief taengen oetdruueging, óngerkeuling, besjajiging en gekrenkdjekaene.
Organe kónne same orgaanstèlsele vörme. Dees organen höbben einanger nuuedig van 'n kómplekser functie te kónnen oeteuve:
- 't Spiesvertaeringsstèlsel bie zougdere besteit ónger anger oete sloekderm, de maag, de derm, de lever enne alvleiskleer;
- 'n Bloom besteit oet gespecialiseerdje (aafgelèdje) stengelen en blajer: bloombaom, kelchblajer, kroeanblajer, maeldräöj en vröchblajer mit zaodknuup.