Opkan

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Kanners, es te dit dialek sjpriks.

---

Opkan of Avergaot (Nederlands: Opkanne), ies 'n dörp in de gemeinte Riems in Belsj (Belsj Limburg). 't Ies gesitueerd aan de voot van Plattenberg en Tiendeberg, in 't dal van de Geer, die parallel aan 't Albertkanaal langs 't plaetske sjtruimp. Later zal ze d'r ónderdoor sjtruime riechting Kan. 'n Brök euver 't kanaal verbingk 't gehuch mèt Kan. Dao liek ouch de parochiekèrk. De Geer sjtruimp in Nederlands Limburg es de Jeker riechting de Maas.

De have van Opkan en 't Albertkanaal

In Opkan weurt Limburgs en Nederlands gekald. Veur winkele en zake ies Opkan aangeweze op Kan en Neerkan.

't Dörp

't Plaetske ies ouch bekènd um zien mergelgrot: de grotte van Kan. Van de gewonne mergelsjtein zint hie väöl häöf en hoezer geboewd.
Aan 't kanaal, dat hie door de mergelberg ies gehouwe, bevingk ziech 'ne jachhave.
Op de Geer sjteit de watermeule van Opkan, 'n kore- en oliemeule oet 1650.
In Opkan sjteit 'n oorlogsmonument: 't Mémorial des Grenadiers.