Albertkanaal

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

't Albertkanaal (oetsjpraok: Albaerkanaal) ies in de jaore 30 van de 20e ièw aangelag um Wallonië 'n gooj sjeepvaartverbinging te geve mèt de have van Antwerpen. Um dit te realisere moos t'r bie Mestreech dweersj door de mergel van de St.Pietersberg gegrave were. Dat ies good te zeen rónd de plaetskes Kan (Kanne), Opkan (Opkanne), Montenake en Vroenhove.
't Kanaal is geneump nao de Belsje keuning Albert I, euverleje in 1934.

Brögke

Vanaaf de jaore 70 ies 't kanaal verbreid gewore. 'n Betonne brök verbingk Vroenhove (Belsj) mèt Wolder (Mestreech) (Nederland. Op termien zölle alle brögke euver 't kanaal op Europees aafgesjproke huègde van van 9,10 maeter were gebrach. De liègste brök bevingk ziech in Antwerpen. Die ies mer 6,70 maeter. Ein van de nujer brögke in Limburg liek tösje Kanne en Opkanne.

Bie Klein Ternaaie (Petit-Lanaye) bevingk ziech 'n groate sjluus in 't kanaal.

Sjeepsoorte

Op 't Albertkanaal kènne sjepe vare mèt 'n lengte van 134 maeter en 'n breidte van 12,50 m. Duujvaart ies meugelik veur konvooie tot 200 maeter lengte en 23 maeter breidte (duujboot en twiè kièr twiè duujbek).

Functie

De hooffunctie waor in ièrsjte instantie 't verveur van goedere van de industrie in Luuk nao Antwerpe. Langs 't water höbbe ziech daonao allerlei nuuj industrieë gevestig. Per jaor were euver de ganse lengte 40 mieljoan zake verveurd. Neve 't verveur van goedere deent 't kanaal veur drinkwater, keulwater, bevloeiing van land en toerisme. 't Albertkanaal haet diverse zietek.

Externe link

Commons

Op de pazjena Albertkanaal van Wikimedia Commons zeen media gerelateerd aan dit óngerwerp te vènje

[1]