Omar Sharif

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Omar Sharif (Arabisch: عمر الشريـف), ouch waal bekèndj es Omar El-Cherif, gebaoren es Michel Demitri Shalhoub (Arabisch: ميشيل ديمتري شلهوب), (Alexandrië, 10 april 1932 – Caïro, 10 juli 2015) waas 'nen Egyptische filmaktäör en bridgespeler.

Omar Sharif kaldje vleujendj Arabisch, Ingels, Frans en Grieks. Hae studeerdje aan 't Victoria College in Alexandrië en ane Universiteit van Caïro, wo d'r aafstudeerdje inne mattematiek en netuurkónde. Nao zien studie góng d'r bie ziene vader in dem zien houtbedrief wirke. Es kindj woort t'r in Alexandrië katteliek opgevoedj, es e lid vanne Melkitische Grieks-kattelieke Kirk, mer hae bekieërdje zich op zie drieëntwintjigste toete islaam zodet t'r kós troewe mitte islamitische aktries Faten Hamama.