Olivier Messiaen
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
| Olivier Messiaen | |||
| |||
| Gebore | 10 december 1908 | ||
| Gesjtorve | 27 aprèl 1992 | ||
| Landj | Fraankriek | ||
| Sjtielperiood | modernisme | ||
| Belankrieke genres | orkesmeziek, pianomeziek, örgelmeziek | ||
| Invlood van | Claude Debussy, Maurice Ravel, Marcel Dupré, gregoriaans, Indiase klassieke meziek | ||
| Invlood op | Pierre Boulez, Karlheinz Stockhausen | ||
| Lies van componiste | |||
Olivier Eugène Charles Prosper Messiaen (Avignon, 10 december 1908 - Clichy, 27 aprèl 1992) waor 'ne Franse componis, pianis en organis. Heer woort gebore es zoon vaan 'ne professor en 'n diechteres. Al op èlfjaorege leeftied góng heer nao 't Paries conservatorium, iers es student piano en slaagwerk, later örgel (bij Marcel Dupré) en compositie (bij Paul Dukas). Vaanaof de jaore 1930 deeg 'r vaan ziech spreke door gans origineel en tege d'n tiedgeis ingoond werk, wat ziech kinmerk door bezunder, dèks zelf oetgevoonde toenlèdders, oonregelmaotege ritmes (oontliend aon oonder mie de gregoriaanse gezaange en oetheimse meziek) en 't incorporere vaan vogelzaank. Ouch getuige de werke vaan 'nen depe zin veur 't religieuze; Messiaen waor zie gans leve 'ne bekinnende katheliek. Kort nao d'n Twiede Wereldoorlog heel heer ziech bezig mèt extreem modern en gereguleerde werke die aon de basis zouwe stoon vaan 't serialisme; zoedoende kaom heer in 't centrum vaan d'n Europesen avant-garde te stoon en verzaomelde heer diverse aonkoumende componiste um ziech. Allewel tot dit häöm tot eine vaan de invloodriekste componiste oet d'n twintegsten iew maak, kierde heer ziech vrij snel vaan deze stijl aof. Heer bleef zie gans leve productief; zie later werk weurt, zoe good wie zien iedert, hoeg aongeslage.
Dit artikel is e sjtumpke. De kans Wikipedia helpe door 't aan te völle