Nikos Anastasiadis
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
.jpg)
Nikos Anastasiadis (Nuigrieks: Νίκος Αναστασιάδης) (Limasol, 27 september 1946) waor vaan 28 fibberwarie 2013 bis 28 fibberwarie 2023 de 7e prizzedent vaan Cyprus en lid vaan de conservatieve partij Dimokratikos Synagermos (DS).
Heer volgde d'n ex-kommenistischen Dimitris Christofias op, dee al opening toende veur wijer federaoliziering mèt Noord-Cyprus es Anastasiadis is. Anastasiades won mèt 57,4% vaan de stömme tege ziene socialistischen tegestender. In 2018 woort Anastasiadis herverkoze es prizzedent. In 2019 woort heer evels subjek vaan versjillende controversies, wie vermeind witwasse en gedeiltelek verantweurdelek te zien veur de zoegenaomde "gaw visa"-affaire, boe-in Cyprus EU-börgersjap verkoch zaw höbbe aon 'ne rieken investeerder in Maleisië.
Anastasiadis heet gooi rillaties mèt ziene Noord-Cypriotische collega Mustafa Akıncı, dee in april 2015 aontrooi. De twie continuëre gesprekke euver hereineging vaan Cyprus. 't Land is al sinds 1974 verdeild in 'n Griekstaolege, hoofzakelek Grieks-Orthedox Christeleke bevolking in 't Zuie en 'n Törkstaolege, hoofzakelek Mohammedaonse bevolking in 't Noorde.
Prizzedente mage in Cyprus mer twie termijne 't amb bekleie. In 2023 woort 't prizzedentsjap euvergenomme door DS-partijgenoot Nikos Christodoulides.