Dit artikel is gesjreve (of begós) in 't Wieërts. Laes hie wie v'r mit de versjillende saorte Limburgs ómgaon.


d'Indj (Nederlands: Eind of Nederweert-Eind) es 'n kèrkdörp in de Nederlands-Limburgse gemeindje Ni-jwieërt, tegenover 't dörp Ni-jwieërt aan de kanaleveerspronk, mèt (in 2013) 1.555 inwoêners. Beschèrmheilige is Sint-Gerardus; in de jaore fiêftig waor d'Indj 'n baevörtsplaats veur hém.

d'Indj haet ´n landelik karakter met verschillendje venne zoeëas Saorsvén, de Baane en de Schoorkoeële of Schoorwater en mét 'ne bescheie middestantj. 't Bekinds is ´t dörp door ´t museum Indjerhoof, ´n laevendj opelochtmezeum met ´n boorderi-j bi-j Lieberte Gon en de Braobescheur, ´n smeejeri-j, ´n bakkus, ´n houtzaegeri-j, imkeri-j, ´ne körverscheur, schoonmakeri-j, ´n pottebekkersscheur, ´ne kèrreschop en ´n zès ambachtegebouw allemaol over ´t borelaeve en ambachte van rondj 1900. ´ne Schoeëne heemtuin en mooshoof met ´n geiteweike. Op zondig es alles in bedriêf en kujje al di-j ambachslu-j aan ´t wèrk zeen. In verschillendje vertrekke van gebouwe zeen tentoênstellinge over archeologie, over wasse en strieëke, over aod lieëventj in kest, ´n weveri-j, ´ne trouwzaal, inne keuken hingtj de hespe en ein paar leet spek inne schouf. Inne herberg es ´n tas koffie en ´n stök vlaai te krieëge. Int bakkes ku-jje mik en knapkook koupe en int winkelke oujerwetse snuik, klompe en mange. Eigelik tevöl um op te neume. En dit weurtj allemaol gedaon door vrijwilligers di-j d'r hieël völ plezeer aan belaeve. In ´t dörp weurtj ouch ´t festival Festeynder gehaoje, op dun twieëdje zondig van augustus.


  Dit artikel is e sjtumpke. De kans Wikipedia helpe door 't aan te völle


Website bewirk

 
Gemeinte Ni-jwieërt
 
Vaan vaan Ni-jwieërt
Dörper en gehuchte: Boketj · D'Indj · Leivere · Ni-jwieërt · D'Oospel · Ospeldiek · Schoor
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=D%27Indj&oldid=425184"