Nach van 't Limburgse Leed
Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.
In 't jaor 2000 haet eine groep Venlonaere zich sterk gemak veur ein jäörliks truukkómmend dialekfestival Nach van 't Limburgse Leed mèt as doel 't publiek op ein lieëgdrempelige meneer in kontak te bringe met streektaalmeziék en ‘t Limburgse dialek. De Nach haet as doel ein gooje baom te legge veur dialekmuzikante. Dit däör de meugelikheid te gaeve um op te traeje en daodaor de muzikant en teksschrièver te prikkele um vaerder te gaon met dialekwerk.
Vaerder reik de stichting same met de Stichting Veldeke Krink Venlo idder jaor twieë prièze oèt. De Priés veur ’t Limburgse Leed geit nao eine dialekzenger, zangeres of band dae verniejend is bezig gewaes met dialekmezièk. De priès wuurt sinds 2007 aangebaoje door de Stichting O.B. De Woers. De Oeuvre-Priès van ’t Limburgs Leed geit nao eine persoeën dae zich al jaore inzet veur de dialekmezièk. De Oeuvre-Priès woort meugelik gemak door de dialekvereiniging Stichting Veldeke Krink Venlo.
In 2007 deeje haos dertig horeca-ónderneminge mei. Op verschillende podia stond ein dwarsdoorsneej van de dialekmezièk dae in Limburg te huùre is. De ritmes varieerde van rap tot chanson en de dialekte van Wanssum wiès Mestreech. De programmering waas verspreid euver de ganse nach.
De Nach van 2007 telde ruum 35 bands en artieste verdeild euver 37 lokasies. Veur ut ièrs woort de Nach in Gelaen ein waek later as de Nach in Venlo gehalde. Op tieën lokasies in de Gelaense binnestad klonk Limburgse dialek muziek.
In 2016 is de Nach op zaoterdaag 17 september 2016 in Venlo.