Murasaki Shikibu
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Murasaki Shikibu (Japans: 紫 式部) (roont. 973 – roont. 1014/1025) waor 'n Japanse sjriefster, diechteres en dame du palais aon de keizerleke hof in d'n tied vaan de Heian-periood. Zie is veural bekind gewore es d'n dinkeleken autäör vaan Genji Monogatari (lètterlek: "'t verhaol vaan Prins Genji"), e verhaol wat zie op 't Japans sjreef tösse 1000 en 1008. De roman is eine vaan de vreugste en meis bekinde romans oet de historie.
Shikibu häöre riechtege naom is oonbekind, allewel sommege gelierde prizzemere tot häöre veurnaom Takako waor (vaan Fujiware Takako). Krachtes häör daagbook kroog zie aon de hof de bijnaom "Murasaki" ("paors") nao e personaasj in Genji Monogatari. "Shikibu" wijerleit nao de staotus vaan häöre pap, in 't departemint veur ceremonies: shikibu-shō.