Milwaukee
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Milwaukee is de grótste stad van Wisconsin, eine vanne staote vanne Vereinigdje Staote. Inne stad wone 594.833 luuj (2010); inne ganse agglomeratie wone taenge de 1,7 miljoen luuj. De stad bevindj zich anen oeaskantj van 't Michiganmaer, ei vanne Groeate Maere die de oeastelike deile vanne Vereinigdje Staote sjeie van die van Canada.
't Gebied wo noe Milwaukee ligk woort ieëre bewóndj dore inheimsje Indiane. De stamme die hie laefdje woren ónger angere de Menominee, de Fox, de Potawatomi enne Ojibwe. De ieëste Europeane die hie aankome wore Franse misjenaeren inne laten achtieëndjen ieëf.
Innen industriëlen tied tróch Milwaukee väöl immigranten oet Europa aan: veural Duutsjers die inne broewerieje wirkdje, waat de stad de bienaam Duutsj Athene goof. Anger völker die väöl nao de stad tróchte wore Pole, Iere, Iteljaender, Grieken en Juudde, die edert häör eige wieke hawwe. Later kome väöl Afro-Amerikane vanoet 't zuje van 't landj nao de stad; door suburbanisatie vanne blanke make zie noe bao 40% vanne bevölking oet. Nag recènteliker haet de stad luuj oet Letiens-Amerika aangetróch.
Gebaoren in Milwaukee
bewirk- William Rehnquist (1 oktoeaber 1924), Amerikaanse zjuris
- Donald Knuth (10 jannewarie 1938), Amerikaansen informaticus
- Steve Miller (5 oktoeaber 1943), Amerikaanse gitaris
- Eric Szmanda (24 juli 1975), Amerikaansen aktäör