Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


't Michiganmaer mitte veer anger Groeate Maere.

't Michiganmaer (Ingels: Lake Michigan) is ei vanne vief Groeate Maeren in 't naorde vanne Vereinigdje Staote, det dore Straot van Mackinac in verbinjing steit mit 't Huronmaer. 't Maer ligk tösse de staote Illinois, Indiana, Michigan en Wisconsin. 't Haet 'n oppervlakdje van 57.994 km² en ligk es insigste vanne vief Groeate Maere gans op Amerikaans gróndjgebied, waat 't wiedoet 't grótste maer binne de Vereinigdje Staote maak.

Juus wie de veer anger Groeate Maeren is 't maer van glacialen oearsprónk. 't Haet 'n lingdje van 516 km en 'n maximaalbrèdje van 200 km. 't Deepste puntj is 265 m. Eder jaor is 't naordelik deil veur veer maondj lang toegevraore. Op regelmaot traeje zwaor störm op op 't maer. Tródsdet guuef 't hieël intensieve sjeepvaart.

De naam van 't maer kump oet 't Algonkisch michigama "groeat water" en haet ouch ziene naam verlieëndj ane gelieknamige staot. Ane waterkantj van 't maer ligke groeate stej wie Chicago en Milwaukee.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Michiganmaer&oldid=444786"