Mi-24 Hind

Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.

De Mi-24 Hind is eine grote gevechshelikopter van Russische makerie. 't Toesjtel waerdje rondj 1965 ontwikkeldj oet de Mi-8. 't Toesjtel mos soldaote (de HIND kan ach bewaopendje soldaote verveure) aan 't front aaf kinne zitte en daonaeve ouch nog good bewaopendj zeen. Ouch mos de HIND besjeetinge van ein klein kaliber kinne doorsjtaon.

Gesjiedenis

't Toesjtel vloog veur 't eers in 1970 en waas 't Russische antjwaord op'pe Amerikaanse AH 1 Cobra dae in 1967 in gebroek genaome is en noe vervange is dör d'r AH-64 Apache. 't Toesjtel is besjermpdj taege kogels/granaten van ein klein kaliber. Dit maaktj de HIND eine zjwaore helikopter maar door 't inboewe van twee Klimov sjroefturbines die same bienao 4500 pk levere, kan de Mi-24 sjnelhede van ruum 300 km/u haole. 't prototype vestigdje zelfs ein offisjeel sjnelheidsrecord van 368,4 km/u. D'r zeen ruum 2300 HIND’s geboewdj in väöl versjillendje versies. Ze waerdje aan ruum 25 lenj aafgeleverdj en ofsjoon ze al in aantal zeen aafgenomme, waere ze nog volop gebroektj biej ein aantal lenj oet 't veurmalige Warschaupact

Technische gegaeves

Mi-24

Aafmaetinge: Lengte: 21,35 m.
Breidte: 17,20 m.
Heugte: 5,00 m.

Prestaties: Plafond: FL145 / 4470 m.
Kruutssjnelheid: 250 km/u
Vleegbereik: 160 km.

Aandrieving: Aantal motors: Twee
Saort motors: Klimov TV3-117