Äöpen houfmenu

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


d'n al-Masjid al-Haram mitte Ka'aba in Mekka.

Mekka (Arabisch: مكة) is de houfstad vanne pervinsje Mekka inne regio Hidjaz in Saoedi-Arabië; es de gebaorteplaats van Mohammed wuuert 't dore moeamedanen es 'n hèlge plaats betrach. De stad ligk op zoea 73 kilomaeter van Dzjedda, inne zenjetige Abrahamvallei, 277 maeter baove zieëspegel en op 80 kilomaeter aafstandj vanne Roeaj Zieë.

De moeamedane van euvere ganse werreld trèkken op Mekka aan, went edere moeamedaan dae 't zich kan veroearlouve mót mindestes eine kieër in zie laeven op baevaart gaon nao Mekka, de zoea-geneumdje hadzj. In Mekka ligk de groeate moskee de al-Masjid al-Haram mit dao-inne de Ka'aba. Veure moeamedane guldj det zie vief kieër d'n daag mótte baeje richting dit boewsel.

Toet 1924 woort Mekka regeerdj dore sjariefe, die euver gans Hidjaz regeerdj. De sjarief waas 'nen drekke aafstammeling vanne profeet Mohammed. De litste sjarief dae euver 't gebied regeerdj waas Hoessein Ibn Ali. Daonao woort 't landj 'n óngerdeil van Saoedi-Arabië.

TriviaBewirk

  • Mekka wuuert spraekwäördelik gebroek veur 'n ideaal plaats veur e bepaoldj get te doon, wie Las Vegas es 't mekka veure gokkers.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Mekka&oldid=437942"