Megisti

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan Megisti

Megisti (Griekse alfabèt: Μεγίστη, soms ouch Καστελλόριζο of Kastellorizo geneump, nao 't Italiaonse Kastelorizo, Törks: Meis) — spreek oet Meegiestie mèt de klemtoen op -gie- — is ein vaan de mies oosteleke eilen die nog tot Griekeland behure. Evels ligk 't op nog gein 2 km aofstaand vaan de Törkse kös. 't Vèlt oonder 't departemint vaan Rhodos en de regio Zuid-Egeïsche Eilen en ligk däörum ouch geografisch in de Egeïsche Zie.

Demografie

't Eiland heet 'n inwoenertal vaan 490 volges de census vaan 2011 en 'n oppervlaak vaan 11,978 km² en daomèt 'n inwoenerdeechde vaan 36 per km².

Fèlm

De fèlm Mediterraneo, boe in Italiaonse soldaote in d'n Twiede Wereldoorlog d'n opdrach kriege 't eiland te bewake en door kapotte radio's neet in de gate höbbe dat d'n oorlog al lang is aofgeloupe, maakden 't eiland hendeg populair bij Europeaone. 't Is woersjijnelek ouch däörum tot 't eiland nog ummertouw toeriste wèl trèkke door d'n Italiaonse naom (Kastelorizo) te gebruke, umtot dit naomelek de naom is dee de gaanse tied weurt gebruuk in de fèlm. De naom kum vaan 't kastiel dat nog altied op 't midde vaan 't eiland steit.

Brónne

De Griekstaolege Wikipedia en Duitstaolege Wikipedia.