Marjolein
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Wille Marjolein, Oregano of Hómmelskroed, (Origanum vulgare) ies 'n inheemse plant op kalkhouwende grónd. Wille marjolein huèrt bie de Luupblomefamilie. De plant weurt 30-60 cm. hoag, haet väöl blaar, ies op besjötte plekskes wintervas mèt wortelsjtek. De blaar zint eirónd. De blome, die in sjienkranse sjtoon, zint wiet tot lila-roze gekleurd. De bleuj vèlt in juli tot sept. De losse roze blometrosse lieke op die van ’t Koninginnekroed. Ze were in de volksmond allebei Hómmelskroed geneump. Marjolein kump in ’t wild veur in Zièland, langs de riviere, in Zuud-Limburg en in oas-Belsj. De plant weurt gebruuk es ónderdeil van de kroedwösj.
Keukekroed
bewirkBie 't koke were drie soorte "marjolein" toegepas (es keukekroed):
- De blaedsjes van de wille marjolein sjmake lekker op bv. gegrillde tomate en op pizza’s.
- 'n Ander soort van dezelfde familie hèt Majoraan, tuinmarjolein of echte marjolein (Origanum majorana). De pittige zeutige sjmaak weurt veural toegepas in woorsjte en krokètte.
- De driede soort hèt Potmarjolein (Origanum onites), 'n euverblievende plant mèt 'ne minder typische sjmaak.
Maedsjesnaam
bewirkMarjolein ies ouch 'ne maedsjesnaam.
-
Wille Marjolein, Oregano of Hómmelskroed -
De bleuj van Marjolein of Hómmelskroed
