Maria Hoen-Delahaye

Dit artikel is gesjreve (of begós) in 't Klummesj. Laes hie wie v'r mit de versjillende saorte Limburgs ómgaon.

---

Maria Hoen-Delahaye waor 'n dichteres oet Termaar, die sjreef in häör eige dialek. Ze sjreef ónder d'r sjoelnaam Maya. Ze is gebaore in Termaar es Maria (May) Johanna Josephina Delahaye op 9 mieërt 1909 en gesjtorve in Heële op 6 mei 1986.
Ouch häöre broor Huub Delahaye en häör zuster Net Frederix-Delahaye sjreve in 't dialek van dat gehuchske vlakbie Klumme.
Albert Delahaye, (archivaris en historicus) is eine van de 8 breursj van häör.

Werk

• Ze publiceerde gedichte in 't waekblaad Het Land van Valkenburg ('t Gezètsje).
• Gedich in de bloomlezing Mosalect van Veldeke-Limburg in 1976
• Gedich in de bloomlezing Rierank van Veldeke-Valkeberg in 1992

Sjtäölke

En väöl geit aan miene geis weer vuuërbiej
Väöl, jao alles, va wies te bis gebaore
Tot aan d'r daag dat ich dich höb verlaore
doe loogs in die weegsjke, zoeë klein en zoeë görg
Doe waosj ummer ei kindje va werk en va zörg,
---
Vuuër dien lètste reis nao 't hieëmelparadies
Vieër sjtinge bie dich, op-ins awt en gries
Doe has 't noe allemaol zoeë good uuëversjtange
En vieër, vieër waore zoeë gaer mèt dich gegange

oet: Ich sjtaon aan die graaf... Rierank 1992