Magdalena Andersson
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
.jpg)
Magdalena Andersson (Uppsala, 23 jannewarie 1967) ies 'n Zjweidse polletieka en waor van 30 november 2021 bies 18 oktober 2022 d'n ièrsjte vrouwelike premier van Zjwaeje. Saer 4 november 2021 ies zie ouch de veurzieter van de Zjweidse Sociaaldemocratische Arbeiersjpartie (aafgekort: S). Van 3 oktober 2014 bies häör insjtallatie es premier waor Andersson de Zjweidse minister van Financies.
Onger Magdalena Andersson ies S 'n klassiek sociaaldemocratische partie gebleve, die de welveertsjtaat sjteunt, zoa-ouch verhoaging van de belastinge, en ies ze ouch 'ne veursjtender van progressieve weerdes wie 't legaal hawwe van 't homohouwelik. S is ivvels op bepaalde gebeeje zjuus conservatiever es sociaaldemocratische collega's in Nederland en Belsj; zoa ies ze sjterk tege legalisering van kemp en euthanasie. Wier zin Andersson en häör partie véúr de EU mer neet veur radicale Europese integratie, wie 't aafsjaffe van 't vetorech in d'n Europese Raod.[1]
Nao de parlemintsverkezinge van 2022 bleef Andersson häör partie de groatste, mer kroge de conservatieve van Ulf Kristersson en de extreemrechse SD 't veur mekaar um 'n rechs gedoogkabinet zonger Andersson te vörme. Hiedoor woort Kristersson op 18 oktober 2022 de nuuje premier van Zjwede.