Liptovský Mikuláš

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

keek op 't centrum van Liptovský Mikuláš

Liptovský Mikuláš (ieërehaer Liptovský Svätý Mikuláš, Duutsj: Liptau-Sankt-Nikolaus of Sankt Nikolaus in der Liptau, Hóngaars: Liptószentmiklos) is 'n stad in 't noorde van Slowakieje mit ruum 33.000 inwoonders. Liptovský Mikuláš ligk inne regio Liptov, tösse d'n Hoeagen enne Lieëgen Tatra en ane reveer de Váh. In 't naordweste grens de stad ane Chočské vrchy-berg.

Gesjiechte

De stad wuuert veur 't ieës vermeldj in 1286. De ieëste sjriftelike verwiezing nao de Sint-Nicolaaskirk kump oet 1299. Dees kirk waas 't begin van 'n grótter woonzitting en is ouch 't aadste geboew van Liptovský Mikuláš.

De plaats waas e wichtig centrum veure ambachte inne Liptov-regio. Die ambachsmen vörmdje gildes es smeed, bóntjwirker, sjruuer, heujmaeker en slechter. 't Aadste gilde det verneump is is 't sjoestersgilde in 1508.

In 1677 woort de stad de zetel van 't lokaal distrik en 't graofsjap Liptov. Inne neugetieëndje ieëw woort de stad eint vanne centrums vanne Slowaakse nasjenaal bewaeging.

In 1952 woort de naam vanne stad verkortj van Liptovský Svätý Mikuláš nao Liptovský Mikuláš; 't waord svätý "heilig" woort dore kómmunistische regering d'roetgehaoldj.