Lies vaan staotshoofde vaan Brazilië

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Brazilië woort in 1815 e geliekweerdeg deil vaan 't Portugees riek; sindsdeen waor de Portugese keuning ouch keuning vaan Brazilië. Vaan zien oonaofhenkelekheid in 1822 tot aon de staotsgreep vaan 1889 waor 't land e keizerriek; sindsdeen is 't 'n rippubliek. Dit is 'n lies vaan alle staotshoofde - keuninge, keizers en presidente - die Brazilië heet gekind.

Staotshoof	Begin regering	Ind regering	Opmerking
Keuninge
Maria	16 december 1815	20 miert 1816	Al sinds 1777 keuningin vaan Portugal, sinds 1808 resident in Brazilië.
Jan	20 miert 1816	7 september 1822	Zoon vaan Maria I, bekind es Jan VI vaan Portugal.
Keizers
Peter I	14 oktober 1822	7 aprèl 1831	Zoon vaan keuning Jan.
Peter II	7 aprèl 1831	15 november 1889	Zoon vaan Peter I. Tot 1840 oonder rezjèntsjap vaan diverse staotslui. Nao 1871 diverse kiere rezjèntsjap vaan prinses Isabel.
Ierste rippubliek
Deodoro da Fonseca	26 fibberwarie 1891	23 november 1891	Leier vaan de militaire coup, al sinds 1889 aon de mach meh pas in 1891 geïnstalleerd.
Floriano Peixoto	23 november 1891	14 november 1894	Vice-president oonder Fonseca, dee nao 'ne nuie coup aoftrejde. Peixoto maakde daonao de res vaan de termijn vol.
Prudente de Morais	15 november 1894	14 november 1898	Ierste börgerleke president vaan Brazilië.
Campos Sales	15 november 1898	14 november 1902
Rodrigues Alves	15 november 1902	14 november 1906
Afonso Pena	15 november 1906	14 juni 1909	In functie gestorve.
Nilo Peçanha	14 juni 1909	14 november 1910	Vice-president oonder Pena, maakde de res vaan dee ziene termijn vol.
Hermes da Fonseca	15 november 1910	14 november 1914
Venceslau Brás	15 november 1914	14 november 1918
Delfim Moreira	16 jannewarie 1919	28 juli 1919	Moreira waor eigelek vice-president oonder Rodrigo Alves, dee in 1918 herkoze woort meh door krenkde en dao-opvolgenden doed noets woort geïnstalleerd. Moreira naom vaanaof 15 november 1918 al woer en woort twie maond later formeel geïnstalleerd. Moreira moch oetdene tot aon de nui verkezinge.
Epitácio Pessoa	28 juli 1919	14 november 1922	Opvolger vaan Moreira nao veurtijege verkezinge; zuug bove.
Artur Bernandes	15 november 1922	14 november 1926
Washington Luís	15 november 1926	24 oktober 1930	Kort veur 't ind vaan zien termijn aofgezat in de revolutie vaan 1930. Beüigden opvolger Julio Prestes kaom zoedoende neet aon de mach.
Vargas-tied
Getúlio Vargas	20 juli 1934	29 oktober 1945	Al op 3 november 1930 es leier vaan de junta nao väöre gezat, pas nao de inveuring vaan 'ne nuie groondwèt es president geïnstalleerd.
José Linhares	29 oktober 1945	30 jannewarie 1946
Twiede rippubliek
Eurico Gaspar Dutra	31 jannewarie 1946	30 jannewarie 1951
Getúlio Vargas	31 jannewarie 1951	24 augustus 1954	Pleegde zelfmaord in functie, oonder dreiging vaan 'ne coup.
Café Filho	3 september 1954	30 jannewarie 1956	Vice-president oonder Vargas, maakde de res vaan dee zien termijn vol. Naom al sinds Vargas zienen doed woer. Op 9 november 1955 verklaorde heer ziech evels um medische reies oongesjik tot wijer regere; 't presidentsjap woort sindsdeen woergenome door Carlos Luz, twie daog later alweer opzij gezat door Nereu Ramos.
Juscelino Kubitschek	31 jannewarie 1956	30 jannewarie 1961	Veural bekind es de stiechter vaan Brasília.
Jânio Quadros	31 jannewarie 1961	25 augustus 1961	Trejde um oonbekinde reies aof.
João Goulart	7 september 1961	31 miert 1964	Vice-president oonder Quadros (en Kubitschek), waor in 't boeteland bij zien aoftrejje. In d'n tössentied naom Raniere Mazzilli 't amb woer. Aofgezat in 'ne militaire staotsgreep.
Militair bewind
Humberto Castelo Branco	15 aprèl 1964	15 miert 1967	Tot 15 aprèl regeerde Ranieri Mazzilli es interim-president.
Artur da Costa e Silva	15 miert 1967	14 oktober 1969	Op 31 augustus al um gezoondsheidsreies gesjors, daonao aofgezat.
Emílio Médici	30 oktober 1969	14 miert 1974	Tösse 14 en 30 oktober woort Brazilië bestuurd door e triumviraot (junta) vaan drei militaire: Augusto Rademaker, Aurélio de Lira Taveres en Márcio Melo.
Ernesto Geisel	15 miert 1974	14 miert 1979
João Figueiredo	15 miert 1979	14 miert 1985
Daarde rippubliek
José Sarney	21 aprèl 1985	14 miert 1990	D'n ierste president vaan de nui rippubliek had Tancredo Neves mote weure, dee evels storf ietot heer zien amb kós opnumme. Sarney, beüig vicepresident, naom 't amb woer tot heer zès daog later formeel geïnstalleerd woort.
Fernando Collor	15 miert 1990	29 december 1992	Vaanaof 2 oktober al gesjors um 'n corruptiezaak. Stapde oetindelek oet eige beweging op.
Itamar Franco	29 december 1992	31 december 1994	Vice-presidenter oonder Collor, naom al sinds 2 oktober dee zien take woer en volgde häöm nao zie tröktrejje otomatisch op.
Fernando Henrique Cardoso	1 jannewarie 1995	31 december 2002	In 1998 herkoze.
Luiz Inácio Lula da Silva	1 jannewarie 2003	31 december 2010	In 2006 herkoze.
Dilma Rousseff	1 jannewarie 2011	31 augustus 2016	Ierste vrouweleke president vaan Brazilië. In 2014 herkoze, in 2016 door 't parlemint aofgezat. Opgevolg door vicepresident Michel Temer, dee al sinds 12 mei (oonder de sjorsing vaan Rousseff) 't amb woernaom.
Michel Temer	31 augustus 2016	31 december 2018	Vice-president oonder Rousseff, volgde häör nao häör aofzètting otomatisch op.
Jair Bolsonaro	1 jannewarie 2019	31 december 2022
Luiz Inácio Lula da Silva	1 jannewarie 2023	—	twiede periode es president