Libische Zieë
Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.
De Libische Zieë (Grieks: Λιβυκόν πέλαγος; Arabisch: البحر الليبي; Latien: Libycum Mare) is 't zudelik stök van de Middellandse Zieë, det tösse Griekse eilande Kythira, Kreta en Karpathos in 't noorde en de de Libische kös in 't zuje leejt. In taegestelling tot de noordelik gelaege Egeïsche Zieë ligge heej mer wienig eilendjes. 't Groeëtste eiland is Djerba, aan de kös van Tunesië. 't Groeëtste aan de Griekse ziej is Gavdos. Ander eilendsjes zien Gavdopoula, Koufonisi en Chrysi. Zie ligge allemaol geliek ónder Kreta. Oeëstelik van dees eilendsjes is de Levantiense Zieë. In 't noorde grens de zieë aan de Ionische Zieë en in 't weste aan de Straot van Messina.
De zieë is hendig kalder es de Levantiense Zieë. Det kump door de euverhiersende deepdestruiminge. Aan de Libische kös leejt de Golf van Sirte, det de vörm van ennen hep oét 't land haet.
In de aldheid heite de zieë ouk waal Mare Africum en 't westelik deil tösse Malta en Tunesië einerzieds en de Griekse eilande anderzieds heite de Sicilische Zieë, mer dae naam is neet gebroekelik mier.