Knaogdiere

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Knaogdiere of Rodentia zien 'n hendeg umvaankrieke orde vaan miestal klein zoogdiere. Tot de knaogdiere hure o.a. muis, ratte, bevers en eikhores. De ganse orde besleit tösse de 2.000 en 3.000 soorte. De knienechtege hure neet tot de knaagdere, meh zien wel ing draon verwant. Knaogdiere höbbe twie groete snijtan. Ze zien veural herbivoor.

Knaogdiere koume op bekans de ganse wereld veur, ouch in Australië en al ietot de Europeane dao aonkaome. Allein op Antarctica en inkel geïsoleerde eilen zien ze oonbekind (meh dèks al wel door de mins ingeveurd).

Taxonomie

De gróp vaan knaagdiere is groet; 't is daan ouch neet zoe vreemp tot 't ouch väöl femilies gief. Deze femilies weure dèks in superfemilies, infra-ordes en oonderordes gegróppeerd; de middelste indeilingsgroop höbbe veer hei weggelaote.

KNAAGDIERE

Sciurognathi (Eikhore-groop)
- Eikhores (Sciuridae), boe-oonder ouch de prairiehun valle
- Bergbever (Aplodontidae)
- Bevers (Castoridae)
- Vlegende eikhores (Anomaluridae)
- Springhaze (Pedetidae)
- Goendi's (Ctenodactylidae)
- Slaopmuis (Gliridae)
- Eerdmuis (Geomyidae)
- Kangeroemuis (Heteromyidae)
- superfemilie Dipodoidea
  - Springmuis (Zapodidae)
  - Zjerboa (Dipodidae)
- superfemilie Muroidea
  - Valse Slaopmuis (Platacanthomyidae)
  - Molratte (Spalacidae)
  - Dwerghamsters (Calomyscidae)
  - Nesomyidae
  - Hamsters en muis vaan de Nui Wereld (Cricetidae)
  - Moesechtege (Muridae)
Hystricognathi (Stekelverke-groop)
- Stekelverkes vaan de Aw Wereld (Hystricidae)
- Stekelverkes vaan de Nui Wereld (Erethizontidae)
- Reetratte (Thryonomyidae)
- Afrikaanse molratte (Bathyergidae)
- Hoetia's (Capromyidae)
- Agoeti's (Dasyproctidae)
- Pacarana's (Dinomyidae)
- Cavia-echtige (Caviidae)
- Capibara (Hydrochoeridae)
- Chinchilla's (Chinchillidae)
- Chinchillaratte (Abrocomidae)

't Moot gezag weure tot väöl biologe aander indeilinge prifferere.