Prairiehónj

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

'ne Prairiehóndj.

De prairiehónj (Letien: Cynomys) vörmen e geslech van knaagbieëster die op en óngere gróndj laeve; ze behuuere toete femielje vanne eiketse (Sciuridae). De prairehónj laeven oppe prairies van Naord-Amerika.

De bieëster waere zoeaget 40 cm lank en waoge tösse de 1 en 4 kilo. In gevangsjap waere ze 8 toet 10 jaor aad, mer ze kónne 12 waere bie oetzunjering. Prairiehónj vore zich mit vees graas. De naam prairiehóndj danke zie aan 't sjerp gebletsj det zie perducere.

Prairiehónj zeen sociaal bieëster die same mit mieëder femieljegruup in ei gebied wone, waat m'n e prairiehónjsdörp neump. Dees dörp bevinje zich óngergrundjs, wobie eder femielje 'nen eigen ingank haet nao 'n haol mit mieëdere kamers.

Inkel saorte waere bedreig mit oetsterve.

Taxonomie

• Riek: Animalia (bieëster)
  • Stam: Chordata (chordabieëster)
    • Klas: Mammalia (zougdere)
      • Orde: Rodentia (knaagdere)
        • Femielje: Sciuridae (eiketse)
          • Óngerfemielje: Xerinae (aerdeiketse)
            • Geslech: Cynomys (prairiehónj)

Indeiling

De prairiehónj waere wiejer es volg ingedeildj:

• Óngergeslech Cynomys:
  • Zwartstertprairiehóndj (Cynomys ludovicianus)
  • Mexicaanse prairiehóndj (Cynomys mexicanus)
• Óngergeslech Leucocrossuromys:
  • Gunnisonprairiehóndj (Cynomys gunnisoni)
  • Utahprairiehóndj (Cynomys parvidens)
  • Witstertprairiehóndj (Cynomys leucurus)