Kesjteël Millen
- Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Nuujsjtads, es te dit dialek sjpriks.
Kesjteël Millen of Hoes Millen is een rewien biej De Nuujstad in Nederlands-Limburg, net euver de grens biej ’t gelieknamige Duutsje dörp Millen. ’t Besjteit oet 'ne donjon oet de veërtieënde eëuw, 'n sjtök ringmoer en ein zjwaorder moerdeil.
 |
Tot daen tied kan d'n inhaud van 't artikel veurnaam informatie misse of nog neet good in zie verbandj ligke. |
Van 't eësjte kesjteël, dat in 1287 aafbrende, is niks meë trök te vènje op de motteheuvel, net zoa min es van de herboew. 't Opnuuj geboewde kesjteël waas in 1365 zoa vervalle, dat me de opdrach goof óm ’t opnuuj op te boewe en te verboewe. Waarsjienlik sjtamt de hujige rewien nog van daen tweëde herboew. De lètste herboew is waarsjienlik in fases verloupe. In de sjtried tösje 't Gelre en Karel V zouw 't kesjteël verrinneweert zeen door zoawaal Maarten van Rossum, es ouch door René van Chalon. Wat hiej aevel wirkelik gebeurde, is neet bekènd. Op de landjsdaag van Gulik-Kleef-Bergh woort aafgesjproake de kesjteële Bor en Millen aaf te braeke. Allein Bor woort aevel in daen tied aafgebroake; Millen woort pas in de achtieënde eëuw aafgebroake.
In de zevetieënde eëuw woort zoa 'n 100 maeter van 't awwe kesjteël ein nuuj geboew opgetrokke, dat róndj 1700 woort oetgebreid mèt ènnige leëgere deensgeboewe.
’t Nuuj kesjteël is neet te bezichtige, mèr vanaaf de waeg waal good zichbaar. De rewien van 't awt kesjteël is veural 's wèntjers gedeiltelik te zeen.