Karel Dormans
- Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Wieërts, es te dit dialek sjpriks.
Karel Willem Dormans (Wieërt, 6 mieërt 1975) is 'ne Nederlandjse roejer. Hae vertaengewoordigde Nederlandj op de Olympische Sjpele van 2004 in Athene.
Dormans, van beroep biomechanisch ingenieur, is lid van de Eindhaovese roejvereiniging Thèta. Hae woort in 2004 geselecteerd veur de Olympische Sjpele es lid van de lóchte veer-zónger-sjtuurman, die wiejer besjtóng oet Gerard van der Linden, Ivo Snijders en Joeri de Groot. Dit team behaolde ein veerde plaatsj achter Denemarke (goud), Australië (zilver) en Italië.
In 2000 hej hae al eërder aan de Olympische Sjpele kènne deilnumme, aangezeen hae doe es reserve sjtóng aangemeldj, mer hae kaom neet in aktie.
Hae deeg van 1999 pes 2003 ouch mit aan ’t waereldkampioensjap roeje; zien beste resultaat hiebiej waas ein zilvere medajje in 2003.