Kabbinèt-Den Uyl

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

't Kabbinèt-Den Uyl waor 't Nederlands kabbinèt vaan 1973 - 1977. 't Kabbinèt woort gevörmp door de politieke partije PvdA, KVP, ARP, PPR en D66 oonder premier Joop den Uyl. 't Weurt dèks gezeen es 't meis links-progressieve kabbinèt wat in de historie vaan Nederland heet bestoon: e groet deil vaan d'n allewijle Nederlandse verzörgingsstaot heet zie bestoon te daanke aon 't premiersjap vaan Den Uyl. Door de samewèrking tösse socialiste en sociaoldemocrate aon d'n eine kant, en kathelieke en christendemocrate aon d'n aandere kant, woort dit kabbinèt dèks ouch "Roems-Roed" (Rooms-Rood) geneump - Roems nao 't Katheliek Vatikaon in Roeme en Roed nao de traditionele kläör vaan socialistische en Marxistische beweginge.

De formatie vaan 't kabbinèt däörde 163 daog, de langste formatie in de Nederlandse historie tot deen tied (daonao es dat dèkser langer gaon däöre). Same bestoond 't kabbinèt oet 97 vaan de 150 zetele in d'n Twiede Kamer, 't parlemint vaan 't Keuninkriek vaan de Nederlen. Daoneve had 't ouch d'n Ierste Kamer - 't Senaot vaan 't Keuninkriek - 'n groete mierderheid. 't Kabbinèt waor daodoor "extra-parlemintair" en hoofde ziech wieneg aon te trèkke aon de euverwegend rechs-conservatieve oppositie vaan calviniste, conservatieve en liberaole.

't Kabbinèt woort beëdeg op 11 mei 1973 en woort demissionair op 22 miert 1977. Op 19 december 1977 woort 't kabbinèt oontboonde.

't Kabbinèt volgde 't Kabbinèt-Biesheuvel II op en woort oetindelek opgevolg door 't Kabbinèt-Van Agt I.