Jonas
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Jonas of Jona ies de naam van 'ne profeet en van 'ne, vrie ónbekènde, heilige.
Profeet Jonas bewirk
De naam Jonas ies afgeleid van 't Hebreeuwse woord Jona of van 't Griekse ionas. Beteikenis in allebei de gevalle ies doef. De naam ies bekènd gewore door de gesjiedenis van de profeet Jonas, dae van God 't bevel kreeg op te trae tege te Ninive. Es hae dat weigert te doon, geit 'r op de vlöch mèt 'n sjeep en weurt door zièluuj bie 'ne sjtörm euverboord gegoajd en dan door 'ne groate vösj opgegete.
't Book Jonas, ies ein van de beuk oet de Biebel. De hoofpersoon oet diet book hèt ouch Jonas. Hae waor ein van de 12 "klein" profete, die in 't Oud Testament, ouch waal Hebreeuwse biebel of Tenach geneump, besjreve sjtoon. Hae laefde in de 8e ièw veur Christus. Ouch in de Koran weurt de profeet Jona geneump. Ziene naam in 't Arabisch ies Joenoes of Yunus.
Martelaer Jonas bewirk
't Waor in de tied dat 't Christendom ziech in Perzië aan 't oetbreie waor, vanoet 't Romeins riek in de 4e ièw. De keizer van Perzië zaog dat es 'n bedreiging van de sjtaatsgodsdeens en hae kóndigde vervolginge aan.Ederein dae 't Christendom oetdroog zou gevange gezat were en zjwoar martelinge óndergoon.
Zoa ging Jonas, same mèt ziene broor Barachius, de geloufsgenote truèste in de gevangenis. Dao-op woorte zie zelf gevange gezat en ze woorte verpliech de Perzische zónnegod te aanbaeje. Ze weigerde èvvel allebei en toen woorte ze gemarteld. Jonas woort 'n ganse nach in 'ne bevrore viever gezat meh wie hae de volgende daag nog bleek te leve zatte ze häöm in 'n peersj tot van alle kante 't blood d'r oet sjpatde. Daonao woort 't doad lief in sjtökker gezaeg. Ouch Barachius woort gemarteld en ummer wir obbenuuts gefolterd umdat 'r mer neet doad wol goon.
Fièsdaag bewirk
De fièsdaag vèlt same mèt dae van de heilige Sulpitius op 29 mièrt.
Name bewirk
De veurname Jonas, Jonathan, Nathan en de achtername Jonasse, Jonassen, Jonasson en Jones sjtamme aaf van Jona of Jonas.