Joharivinster

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

'n Joharivinster in 'n aander vörm. a+' steit veur bekind veur diechzelf en a- steit veur duuster veur diechzelf. Bij 't aander model steit b+ zjus veur bekind veur aander, dewijl duuster veur aander zjus oonder b- steit. In 't lètse model weure de veer besjrievinge gecombineerd.

De Joharivinster (Ingels: Johari Window) is e model gemaak door de Amerikane Joseph Luft en Harry Ingman (Johari is e misjmasj vaan dees twie naome) oet 1955, um communicatie beter te verstoon. 't Gief veer kwadrante in dees vènster. 't Model weurt dèks gebruuk bij bedriefuitsjes.

	Bekind veur diechzelf	Duuster veur diechzelf
Bekind veur aander	Ope ruimte	Blin plak
Duuster veur aander	Verstoompeld gebeed	Duuster/oonbekind gebeed

• De ope ruimte (open space) is aon allebei bekènd, hei kin euver gecommuniceerd weure.
• De blin plak (blind spot) is wel bekind bij aandere, evels neet bij diechzelf. Veurbeilde heivaan zien wie iemes dèks e bepaold stopwäördsje gebruuk, of wie iemes 'ne slechten aosem heet.
• 't Verstoompeld gebeed hawwe lui bewös verstoompeld veur aandere.
• 't Duuster gebeed is zoewel veur diech es veur d'n aander oonbekind en daomèt gein oonderwerp vaan communicatie.