Johan Rudolph Thorbecke
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Johan Rudolph Thorbecke (14 jannewarie 1789 - 4 juni 1872) waor Veurzitter vaan de ministerraod (v'r zègke noe: premier) vaan Nederland vaan 1 november 1849 (19 jaor naotot Belsj-Limbörg vaan Nederlands-Limbörg aofsplitsde) tot 19 april 1853, vaan 1 fibberwarie 1862 tot 10 fibberwarie 1866 en vaan 4 jannewarie 1871 tot zienen doed op 4 juni 1872. Heer waor vaan de liberaol beweging. Heer volgde Jacob de Kempenaer op es veurzitter en woort aon 't ind vaan zien carrière es Nederlandse regeringsleier opgevolg door Floris Adriaan van Hall.
't Veurzittersjap vaan de ministerraod woort es de belaangriekste politieke functie binne 't Keuninkriek vaan de Nederlen gezeen, op de Keuning vaan de Nederlen nao. In 1945 woort de functie pas officieel: de premier of minister-president.
Thorbecke waor d'n daarde stabiele "premier" vaan Nederland en de groondligker vaan de moderne democratie boe Nederland op is gebouwd. Die democratie vaan Thorbecke zörgde d'r veur tot de keuning väöl minder mach kroog.
Thorbecke waor ouch d'n ierste premier dee 't langer volheelt es ein jaor. Sterker nog: Thorbecke waor veurzitter vaan de minsterraod veur 9 jaor en 143 daog! De langszittende veurzitter in zienen tied. Noe is heer de viefde langszittende regeringsleier vaan 't democratisch Nederland, nao de nómmer veer Willem Drees, nómmer drei Charles Ruijs de Beerenbrouck, nómmer twie Ruud Lubbers en nómmer eint Mark Rutte.