Dit artikel is gesjreve (of begós) in 't Breuker. Laes hie wie v'r mit de versjillende saorte Limburgs ómgaon.


Jo Brassée (Valkeberg, 3 december 1941) is 'ne sjriever oet Gebrook. E sjreef 'n aantal beuker uëver de historie va zien woeënplaatsj Gebrook meh is vuural bekind gewoeëre es vuurzitter van d'r Veldeke-krink Heële en Umsjtrieëke tösje 1982 en 1993, es vuurzitter van de wirkgroop Veldeke Literair tösje 1991 en 2003 en es lid va 't hoofbesjtuur va Veldeke Limburg tösje 1993 en 2003.

D'r Jo Brassée is gebaore i Valkeberg es zoeën va 'ne Breuker óngerwiezer. E gruijde op in de wiek Nuuj-Lotbrook, woeë 'r nao zien opleiing tot óngerwiezer ruum 25 jaor lès goof aan de Onze Lieve Vrouweschool. Daonao wirkde 'r nog ruum 15 jaor es coördinator va 'n samewirkingsverband va basissjoeële in Haerle, Nuth en Voelender. Brassée haw al va kleins af aa groeëte interesse en inzèt vuur 't sociaal laeëve en zoeë woert 'r lid va versjeie lokaal organisaties op 't gebeed va cultuur en recreatie. E waor ónger angere vuurzitter van d'r Culturele Raod van de gemeinte Gebrook en vuurzitter van d'r cliënteraod Welzijnswerk Hoensbroek. Va 1982 pès 1993 waor 'r vuurzitter van d'r Veldeke-kring Heële en Umsjtrieëke en vanaaf 1991 daonaeëve vuurzitter van de provinciaal wirkgroop Veldeke Literair. Vanaaf 1993 waor 'r lid va 't hoofbestuur va Veldeke.

BibliografieBewirk

Nao zien pensionering sjreef Brassée 'n aantal beuker, woe-ónger:

  • 'Hoensbroek een terugblik I (2006)
  • Maria-Gewanden en Terschuren vroeger… (2008)
  • De geschiedenis van Heerlense buurten, deil 4, (vuur Rijckheyt - centrum vuur regionaal historie in Haerle) (2008)
  • Hoensbroek een terugblik II (2009)

ReferentiesBewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Jo_Brassée&oldid=372096"