Jean Innemee
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Jean Innemee (Mesjtreech, 14 oktober 1937 – Mesjtreech, 1 augustus 2007) waor 'ne bekènde zenger en bassis van de groep The Walkers. Hae scoorde landelijke hits zoawie: "Theres no more corn on the brassos" en ouch "Oh my Darling Helena" scoorde good in de hitlieste.
Jean Innemee hou jaorelank ein bokingskantoar veur artieste. Hae wèrkde es manager A&R (arties en repertoire) veur Telstar Records te Weert. Same mèt ziene broor René zat hae ziene sjtempel op de Limburgse meziek. Hae waor opriechter van de bekènde groep Carboon same mèt Conny Peters. Hièl succesvol waore ze mèt de elpees "De letste koempel deit de lamp oet" en van hun ièrsjte elpee: "`Wèts te nog koempel" woorte landelik miè es 50.000 exemplare verkoch.
Same mèt de Valkebergersj Henk Thewissen en Guus Sjmeets lanceerde hae 'n cd euver de Limburgse tradities met name de historie van jónkheid jonkhede en meikeuninginne. Hae brach ouch 'n serie cd's oet onder de naam: Historie van de Limburgse popmeziek. Innemee wèrkde väöl same mèt Beppie Kraft, Conny Peters, Dick van Altena, Dries Holten, Guus Sjmeets, John Coenen, Ben Erkens en Armand.
Hae sjpeelde de lètste jaore van zien artiesteleve in de band Mosam Skiffle group en daonao Mosam skifle train. Zaot in versjeie commissies zoa wie: De onafhankelijke samesjtèllersj van de L1 top tièn.
Jean Innemee waor oetgever/ leedsjesjriever/ tekstdiechter en mètopriechter van Marlstone records. Ontdèkker van väöl Limburgs talent. In de jaore tachtig/neugetig runde hae ouch ein succesvol radiostation in Belsj Radio Maasvallei. Same mèt Jos Huismans en gèt later Peter Magné riechde hae radio CRM op ouch in Belsj, wao 't Limburgs produk väöl gepromoot woort. Hae sjreef, same mèt Bert Salden, ein van de bekèndste vastelaovesleedsjes van Limburg: Van Eijsde tot de Mokerhei.