Israelisch-Palestiens conflik (2021)
Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.
| Israelisch-Palestiens conflik (2021) | ||||
| ||||
| Datum | d'r 6e mei 2021 - d'r 21e mei 2021 | |||
| Lokasie | Gazasjtrook, d'r Westelike Jordaankank, Israel | |||
| Sjtriejende partieje | ||||
 Israel |
 Palestina:  Hamas, Islamitische Jihad | |||
|
| ||||
| Leijers en commandante | ||||
| Benjamin Netanyahu |
Ismail Haniya
| |||
| Benny Gantz |
Saleh al-Arouri
| |||
| Aviv Kochavi |
Abd al-Aziz Awda | |||
| Amikam Norkin |
Ziyad al-Nakhala | |||
| Roni Alsheikh |
||||
| Kobi Shabtai |
||||
| Verleze | ||||
| In Israel: 12 burgesj,[1] 1 soldoat Lod: 2 burgesj umgekoame (inne Jüd en inne Arabier) |
I g'ne Gazasjtrook: zieëker 243 burgesj en militante umgekoame[1] Óp g'ne Westelike Jordaankank: 26 burgesj umgekoame Oeeës-Jeruzalem: 1 burger umgekoame Óp g'n grens mit Libanon: 1 lid van Hezbollah en 1 burger | |||
|
| ||||
| In Israel: 114 burgesj gewónd, 2 soldoate Óp g'ne Westelike Jordaankank: 2 soldoate |
I g'ne Gazasjtrook: mieë es 1900 gewónde Óp g'ne Westelike Jordaankank: mieë es 500 gewónde Oeeës-Jeruzalem: 1000 gewónde | |||
|
| ||||
| Totaal: | mieë es 250 lüj umgekoame, mieë es 3500 gewónde, 58.000 Palestiense vluchtelinge[1], 2.500 Palestiene daakloos[2] | |||
't Israelisch-Palestiens conflik van 2021 (codenaam: Operation Guardian of the Walls) begós óp d'r 6e mei 2021, doe 't groeëtsjalige proteste goof teëge de meugelige oetzetting van Palestiense gezinne in 'n boetewiek van Jeruzalem.[3] Rasj óntsjtange proteste i g'n hoofsjtad van Israel en Palestina. Dees escaleerde d'r angere daag, wie de pliese de Al-Aksamoskee óp g'ne Tempelberg besjtormde.[4] De proteste zint oetgelope óp 4000 raketbesjetinge van Hamas en 1600 lóchaanvalle durch de Israelische armee.[1]
Óp d'r 10 mei sjtelde Hamas Israel e ultimatum: de islamitische beweëging vörderde dat 't lank zieng troepe deë daag vuur 18.00 oer zouw trüktrekke. Wie Israel d'r eis negeerde, begós Hamas rakette op Israelische sjteë aaf te vure. In 'n verkloaring zeët Hamas dat de raketaanvalle 'n reaksie vörme op Israelische 'agressie' tiedes de ónrouw i g'n Al-Aksamoskee óp d'r 7e mei. Volges minister-president Benjamin Netanyahu hat de terreurbeweëging doamit 'de roeë lieng' uëversjreie, oeëdurch zien lank 'kreftig zal antwoorde'. In de ieësjte nach zint 31 lüj um 't leëve gekoame.[5]
't Conflik woeëd besjouwd es de groeëtste escalatie seër d'r kreeg van 2014[2] en de Twieëde Intifada (2000-2005). Nui is dat 't óch sjpanninge goof tussje Jüdde en Arabiere i groeëte Israelische sjteë, oeë-ónger Lod.[6]
Óp initiatief va noaberlank Egypte sjlote Hamas en Israel óp d'r 20e mei 2021 e sjtaak-'t-vure.
Brónne
bewirk- ↑ 1,0 1,1 1,2 1,3 Palestinians see victory in Gaza truce as Israel warns Hamas. Fares Akram & Joseph Krauss - AP, d'r 21e mei 2021
- ↑ 2,0 2,1 The Toll of Eight Days of Conflict in Gaza and Israel. Weiyi Cai, Josh Holder, Lauren Leatherby, Eleanor Lutz, Scott Reinhard & Karen Yourish - The New York Times, d'r 17e mei 2021
- ↑ Hoe een huisuitzetting in Jeruzalem tot nieuwe confrontaties leidt. NOS, d'r 9e mei 2021
- ↑ Rellen bij al-Aqsa-moskee Jeruzalem. Nederlands Dagblad, d'r 10e mei 2021
- ↑ Dozens killed as Israel-Gaza violence escalates. BBC, d'r 11e mei 2021
- ↑ Ausschreitungen in Israels Städten – Bürgermeister von Lod spricht von Bürgerkrieg. Deutschlandfunk, d'r 14e mei 2021