Ionische Eilen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Veendel vaan de Ionische Eilen

Periferieë in Griekeland: 1.Attika, 2.Centraol-Griekeland, 3.Centraol-Macedonië, 4.Kreta, 5.Oos-Macedonië en Thracië, 6.Epirus, 7.Ionische Eilen, 8.Noord-Egeïsche Eilen, 9.Peloponnesos, 10.Zuid-Egeïsche Eilen, 11.Thessalië, 12.Wes-Griekeland, 13.Wes-Macedonië

Ionische Eilen (Grieks: Ιόνια Νήσια, Ionia Nisia, Επτάνησα, Heptanisa, Albanees: Ishujt Jonianë) is 'n periferie (vergeliekbaar mèt de regio's in Fraankriek) en 'n eilengróp in Griekeland. De eilengróp is verneump nao de Ionische Zie.

Geografie

De Ionische Eilen heet 'n oppervlak vaan 2.307 km². 't Klein stök vasland vaan de Eilengróp grens aon Wes-Griekeland. De twie zuielekste eilen zien ouch te zien vaanoet de Wes-Griekse kös. 't Noordelekste eiland weurt in 't weste umrink door de Epierse kös. De Ionische eilen zien opvallend vergeleke mèt de aander Griekse eilen, umtot 't hei väöl greuner is.

Eilen

De Ionische eilen bestoon oet veer groete eilen en drei klein (dèks onofficieel) eilen:

• Korfoe (Κέρκυρα, Kerkyra)
• Lefkas (Λευκάδα, Lefkada)
• Ithaka (Ιθάκη, Ithaki)
• Kefalonia (Κεφαλλονιά)
• Paxi (Παξοί, Paxos)
• Zakynthos (Ζάκυνθος)
• Kythira (Κύθηρα)

Demografie

Volges de census vaan 2011 höbbe de Ionische Eilen 'n inwoeneraontal vaan 207.855, en 'n deechde vaan 90/km². 't Gief 'n opvallende krimp in 't lètse decennium; in 2001 goof 't nog 212.984 Ioniërs. Ouch gief 't väöl vergriezing oppe eilen. De meiste vaan dees geïmmigreerde lui zien nao Attika, Thessaloniki of noordweerts Europa ingegaange. 't Groetste deil vaan de bevolking woent op ein vaan de veer groete eilen. De hoofstad is Korfoe. Op de Ionische Eilen weurt Ionisch gepraot. De Ionische benaoming vaan dees periferie, Heptanisa, beteikent zoe get wie de zeve eilen. Evels is dit neet riechteg. De Ionische Eilen bestoon oersprunkelek inderdaad oet zeve groete eilen, mer daoneve gief 't ouch väöl klein eilen en e stök vasland, wat grens aon de Griekse periferie Wes-Griekeland. Ouch is 't zoe tot vaan de zeve groet eilen 'rs mer veer bij Griekeland hure. De aander drei hure bij Albanië.

Departeminte

De periferie is oonderverdeild in 4 departeminte (nomos):

• Korfoe
• Kefalonia
• Lefkada
• Zakynthos

Cultuur

De bekinde Grieks film O Thiasos späölt ziech aof op versjillende Ionische Eilen en trók heidoor väöl toerisme.