Epirus

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Veendel vaan Epirus, sinds 1914

Periferieë in Griekeland: 1.Attika, 2.Centraol-Griekeland, 3.Centraol-Macedonië, 4.Kreta, 5.Oos-Macedonië en Thracië, 6.Epirus, 7.Ionische Eilen, 8.Noord-Egeïsche Eilen, 9.Peloponnesos, 10.Zuid-Egeïsche Eilen, 11.Thessalië, 12.Wes-Griekeland, 13.Wes-Macedonië

Epirus of Epiros (Grieks: Ήπειρος, Ipiros, Albanees: Epiri) is 'n periferie (vergeliekbaar mèt de regio's in Fraankriek) in Griekeland.

Geografie

Epirus heet 'n oppervlak vaan 9.203 km². De weskös ligk aon de Ionische Zie en de Ionische Eilen zien daorum vaanoet de noordkös vaan Epirus good te zien.

Natuur

't Gief väöl berg in Epirus. De Pindos is 't bekinste gebergte vaan Epirus. Me vint tot Pindos liekent op de rögkegraot vaan Griekeland. De Acheron is de bekinste revier vaan Epirus. Ze steit naomelek bekind es ein vaan de reviere oet de oonderwereld oet de Griekse mythologie. In d'n tied vaan 't Ottomaonse Riek woort dees regio daodoor Acheron geneump.

Betrach Acheron (Mythologie) veur 't hoofartikel euver dit óngerwerp.

Aongrenzende regio's

In 't noorde grens Epirus aon "boete-Europees" gebeed, gebeed dat neet oonder de Europese Unie vilt, naomelek Albanië.

• Albanië (neet-EU) - noorde
• Wes-Macedonië - noordooste
• Thessalië - ooste
• Wes-Griekeland - zuie

Demografie

Volges de census vaan 2011 heet Epirus 'n inwoeneraontal vaan 336.856 en 'n deechde vaan 9.203,22/km². Dit is 'n liechting stijging vergeleke mèt 2001, wie 't nog 353.820 inwoeners had. De hoofstad is Ioannina. Epirus waor tot 2004 de ermste regio vaan de EU.

Departeminte

De periferie is oonderverdeild in 4 departeminte (nomos):

• Thesprotia
• Ioannina
• Preveza
• Arta

Trivia

• De Griekse prizzedent, Karolos Papoúlias, is gebore in Ioannina, Epirus