Interslavisch
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
't Interslavisch, dat ouch wel Slovianski geneump weurt, is 'n zonaol hölptaol, die veur commnicatie weurt gebruuk tösse sprekers vaan versjèllende Slavische taole. 't Is gebaseerd op 't Aajdkerkslavisch, mer aongepas aon 't gemeinsjappelek vocabulaire en de grammair vaan de moderne Slavische taole. 't Interslavisch weurt zoewel in Latiens sjrif es in Cyrillisch sjrif gesjreve.
De taol woort in de jaore 2006-2017 oontworpe door de Neerlandse taolkundege Jan van Steenbergen en d'n Tsjechische programmeur Vojtěch Merunka. Eigelek is 't Interslavisch evels väöl awwer, want de ierste grammair woort al in 1665 gesjreve door 'ne Kroatische preester, Juraj Križanić. 't Aontal sprekers vaan de taol ligk allewijl roond de 7000. Oonder de kunstaole is 't Interslavisch daodoor de nómmer twie, nao 't Esperanto.