Äöpen houfmenu

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


D'n instrumentalis is 'ne naomval dee in diverse taole veurkump of veurkaom. Heet gief 't middel aon boemèt get gebäört.

Veurkoume in de Indo-Europese taoleBewirk

D'n instrumentalis waor eine vaan de ach naomvel die me kin reconstruere veur 't Proto-Indo-Europees. In diverse dochtergróppe is ze nog te vinde. 't Sanskriet heet d'n instrumentalis zoe good wie alle zeve aandere bewoerd. Ouch de Slavische en Baltische taole kinne - ouch noe nog - 'nen instrumentalis (beveurbeeld Russisch треном trenom 'mèt d'n trein'), zoe good wie 't Armeens. In 't Latien is d'n instrumentalis formeel opgegaange in d'n ablatief, meh me kin nog wel zien tot 'r bestande heet: 'ne vörm wie nudis manibus beteikent, zoonder veurzètsel en zoonder wijere contex, 'mèt de bloete han'.

Ouch in de aw Germaanse taole kaom d'n instrumentalis veur, meh dao begint 'r al same te valle mèt d'n datief - e perces wat later woort voltoejd. 't Bèste is heer bewoerd in 't Aajdhoegduits, boe manneleke en oonzijege wäörd nog apaarte vörm höbbe. In 't Aajdingels besteit de naomval allein nog bij de veurnaomwäörd, in 't Gotisch is 't nog mer e relik. Zelfs in de modern Wes-Germaanse taole heet d'n instrumentalis nog ei relik achtergelaote. In 'n oetdrökking wie (des) te groeter geit 't lid te trök op *þē, d'n awwen instrumentalis vaan þata. Feitelek beteikent dit dus 'daodoor groeter' of 'groeter door middel daovaan'.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Instrumentalis&oldid=433119"