Horizon

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

d'n Horizon (klemtoean oppen ieëste littergreep; mieëvaad: horizonte mitte klemtoean op -zon-) is de lien in 't zichveldj wo de gróndj en d'n hieëmel zich treffe en daobie 't wiedaafste puntj vanne gróndj det me kan zeen.

Ieëre speeldje d'n horizon 'n groeate rol inne navigaasje oppe zieë. Veur exakte maetingen op 't landj, wo d'n horizon ónaeven is en daoveur ónslichtig es oetgankspuntj veur maetinge, broekdje me kónsmaesige horizonte die me döks maakdje mit 'ne waterpas. Bie 'n sextantmaeting maak me 'ne kónshorizon door 't spegelbild van 't geobserveerdje hieëmellief in 'ne kwikzilverdroep te benötte.

d'n Horizon wuuertj ouch euverdrachtelik gebroek wen me get mèntj det 't observeerbaart begrens.