Monofylie
(Doorverweze van Holofyletisch)
Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.
Monofylie of holofylie is in de biologie en de taxonomie 'n groep organisme (e taxon), wovan kan waere aangenómme det ze allemaol dezelfdje gemeinsjappelike veureljer höbbe, dae zelf ouch tót det taxon wuèrtj geraekendj en wovan al de aafstammelinge ouch in die groep zint geplaats.
E taxon det neet de gemeinsjappelike veureljer zelf bevatj, meh waal mièrder gruup die van daen veureljer aafstamme, neump me polyfyletisch; e taxon det waal de litste gemeinsjappelike veureljer, meh neet al de aafstammelinge bevatj, hètj parafyletisch.
E monofyletisch taxon neump me ouch waal 'n klaad.