Hokusai

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Katsushika Hokusai (Japans: 葛飾北斎) (Edo, 31 oktober 1760 - Edo, 10 mei 1849) waor 'ne Japansen teikeneer en sjèlder. Heer heelt ziech veural bezeg mèt 't make vaan houtsnijprinte, beter bekind es ukiyo-e. Toch waore zien landsjapsaofbeeldinge zien bekinste wèrk. Zie leve vat d'n euvergaank same vaan de illegante printkuns vaan d'n 18e iew bis 't hoegtepönt daovaan in de 19e iew. Zien bekènste wèrke zien De Groete Golf bij Kanagawa, de Zèsendaarteg geziechte oppe berg Fuji en Manga.

De ukiyo-e-kunsteneers, boe-oonder Hokusai, höbbe väöl sjèlders in Europa beïnvloojd mèt hu wèrk. Dit kaom oonder mie umtot veer jaor nao d'n doed vaan Hokusai de grenze ope gónge veur Europeane. Inkel vaan dees geïnteresseerde waore oonder mie Theo van Gogh en Edgar Degas. Veur väöl Europese sjèlders waor d'n techniek vaan Hokusai hendeg Japans, allewel dit in Japan zelf wie 'n "verwesterde" stijl woort oondervoonde.