Herbestel

Dit artikel is gesjreve in 't Norbiks. Ómdat 't plaatsgebónge is, maogs doe 't ómzètte nao 't Lontzener, es te dit dialek sjpriks.

Herbestel (Duutsj: Herbesthal) is 'n dörp in de gemèngde Lontzen in de Duutsjtalige Gemeensjap.

Historie

Herbesthal hat 'n ingewikkelde gesjiedenis ömdat 't töt versjèjje leng behoeërt.

Auw sjtatie van Herbesthal

vör 1797 bie de hoeëgbaank Baelen, Hertogdom Limburg
1797 bies 1815 es deel van de gemèngde Welkenraedt bie 't departemaent van de Ourthe bie Fraankriek
1816 (oet Welkenraedt genaome) bies 1871 bie Preusse
1871 bies 1918 Duutsjlaand
1918 bies 1940 Belsj
1940 bis 1944 Duutsjlaand
vanaaf 1944 Belsj

Herbesthal waoërt in 1906 es parochie (in 't bisdom Kölle) gesjtich. Herbesthal waor in dae tied, es deel va Duutsjland, 'n deel van 't gebied Eupe/Malmedy en de lètste Duutsje plaatsj an de grens mèt Belsj. De gemèngdegrens tösje Herbesthal en Welkenraedt waor doe de grens tösje Duutsjlaand en Belsj. Dis grens - de Rue Mitoyenne c.q. Neutralstraße - is huuj de grens, die 't Duutsjtalig deel en 't Fraanstalig deel van de provincie Luuk sjèjt.

Sjpoorbaantechnisch fungeerde de plaatsj nog bies de jaore 60 es grens, ömdat dao d'r wissel van de locomotieve va Belsj en Duutsjlaand plaatsjvong. Daonao waoërt 't station 100 meter verplaatsjd nao 'ne nuujboew in Welkenraedt. In 1983 is 't station van Herbesthal aafgebraoëke.