Henrik Ibsen
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Henrik Johan Ibsen (Skien, 20 mieërt 1828 - Kristiania, 23 mei 1906) waas 'nen hieël invloodrieke Noorsen tenieëlsjriever en dichter dae gooddeils verantjwuuerdelik waas veure opkóms van 't modern realistisch drama.
Hae was van 1851 toet 1857 de rezjissäör van 't theater in Bergen en van 1864 toet 1891 d'n dirrektuuer van 't Norske Theater in Oslo. Hae is veural bekandj veur 't tenieëlstök Peer Gynt oet 1867 mit meziek van Edvard Grieg, worin 't thema waorheid en leuge 'n rol speeltj. Kinmirkendj aan dit stök is 't lang monoloog wobie 't verhaol van Peer zien belaevenissen inne berg ummer sterker te gluive wuuert.
Anger tenieëlstökker van Ibsen zeen Brand (1866), Samfundets Støtter (1877), Nora of e póppenhoes (1879), Gengangere (1881) en Hedda Gabler (1890)